ខេត្តកណ្តាល ៖  ភូមិស្វាយជ្រុំ ភូមិពងទឹក ភូមិអណ្ដូង ភូមិត្នោតម្ពើម ភូមិចក ភូមិព្រៃបឹង និងភូមិកម្ពោតព្រៃ នៃឃុំបែកចាន និងភូមិព្រៃពពាល នៃឃុំពើក ស្រុកអង្គស្នួល ខេត្តកណ្ដាល និងត្រូវបានកំណត់ជា "តំបន់ក្រហម" "តំបន់លឿងទុំ" និង"តំបន់លឿង" ដើម្បីទប់ស្កាត់ការឆ្លងរាលដាលនៃជំងឺកូវីដ-១៩។ នេះបើយោងតាមសេចក្តីសម្រេចរបស់រដ្ឋបាលខេត្តកណ្ដាល នៅថ្ងៃទី១៣ ខែឧសភា ឆ្នាំ២០២១។

រដ្ឋបាលខេត្តកណ្តាលបានសម្រេចបន្តអនុវត្តវិធានការរដ្ឋបាលសម្រាប់ភូមិខាងលើនេះគឺដើម្បីទប់ស្កាត់ការឆ្លងរាលដាលនៃជំងឺ កូវីដ-១៩ ដែលត្រូវអនុវត្តសម្រាប់រយៈពេល ៧(ប្រាំពីរ)ថ្ងៃ បន្តទៀតគិតចាប់ពីម៉ោងសូន្យនាថ្ងៃទី១៥ ខែឧសភា ឆ្នាំ២០២១ រហូតដល់ថ្ងៃទី២១ ខែឧសភា ឆ្នាំ២០២១។

ការកំណត់ជា " តំបន់ក្រហម" “ តំបន់លឿងទុំ” និង“តំបន់លឿង” មានដូចខាងក្រោម៖
“តំបន់ក្រហម” ផ្នែកខ្លះនៃភូមិស្វាយជ្រុំ និងផ្នែកខ្លះនៃភូមិអណ្ដូង (លើកលែងផ្នែកខ្លះដែលកំណត់ជា តំបន់លឿងទុំ) នៃឃុំបែកចាន
តំបន់លឿងទុំ” ៖ ភូមិពងទឹក, ភូមិត្នោតខ្ពើម ផ្នែកខ្លះនៃភូមិស្វាយជ្រុំ (ស្ថិតនៅប៉ែកខាងជើង ចាប់ពី ផ្លូវចូលភូមិផ្នែកខាងកើត ជាប់ផ្លូវជាតិលេខ៤) និងផ្នែកខ្លះនៃភូមិអណ្ដូង (ស្ថិតនៅ ប៉ែកខាងត្បូង ចាប់ពីផ្លូវបេតុង កែងនឹងដេប៉ូតេលា) នៃឃុំបែកចាន “តំបន់លឿង ភូមិកម្ពោតស្បូវ, ភូមិព្រៃបឹង, ភូមិចក នៃឃុំបែកចាន និង ភូមិព្រៃពពេល នៃឃុំពើក។

ខាងក្រោមនេះគឺជាផែនទីនៃការកំណត់ភូមិសាស្ត្រឃុំបែកចាន និងឃុំពើក នៃស្រុកអង្គស្នួល ខេត្តកណ្តាល ដែលបានកំណត់ ជា “តំបន់ក្រហម” “តំបន់លឿងទុំ” និង “តំបន់លឿង”៕